Сярод расейскіх кіраўнікоў пачаліся «скачкі»
8- ТЭЛЕГРАМ-КАНАЛ «ВРЕМЕНИ НА РАСКАЧКУ НЕТ»
- 18.03.2023, 19:54
- 31,410
Гаага ўзбурыла Крэмль.
Выдаў Міжнародны крымінальны суд у Гаазе ордэр на арышт Уладзіміра Пуціна і ягонай паплечніцы Марыі Львовай-Бяловай, і пачаліся «скачкі» сярод расейскіх кіраўнікоў - хто выкажацца больш абсурдна.
На першым месцы, мабыць, нізкі спікер Вячаслаў Валодзін: «Янкі, рукі прэч ад Пуціна! Дурасць, якая прагучала з Гаагі, сведчыць аб адным: на Захадзе гістэрыка. Паперкі іншапланетнага гаажскага суда на Расею не распаўсюджваюцца».
Пры чым тут "янкі" (амэрыканцы)? Суд у Гаазе. Гэта Нідэрланды. А Злучаныя Штаты, гэтак жа, як і Расея не прызнаюць юрысдыкцыю гэтага суда. Але такія дробязі Вячаслава Валодзіна не турбуюць.
Не горш выказаўся і кіраўнік Следчага камітэта Аляксандр Бастрыкін. Ён даручыў "цэнтральнаму апарату" правесці правяранне незаконнай выдачы ордэру на арышт Пуціна і Бяловай.
І яшчэ Бастрыкін прапанаваў стварыць свой міжнародны суд - у процівагу Міжнароднаму крымінальнаму суду ў Гаазе: «У варунках спецыяльнай вайсковай аперацыі ўзнікаюць праблемы міжнароднага вайсковага правасуддзя. І цяпер ужо не сакрэт, што заходнія краіны рыхтуюць міжнародныя судовыя органы для прыцягнення да адказнасці Расеі і службовых асоб РФ. Мы павінны разам з Мінюстам, а можа быць на чале, пачаць аналагічную работу».
Увогуле, тэму Аляксандр Бастрыкін, як мы бачым, разумее. Добра ўжо тое, што ён паведаміў публіцы аб тым, што ў прававых краінах абмяркоўваецца пытанне аб прыцягненні да адказнасці "службовых асоб" Расеі. На гэтую тэму расейскія афіцыйныя асобы ўважаюць за лепшае не гаварыць.
А што да «аналагічнай работы», што маецца на ўвазе? Аляксандр Бастрыкін хоча прыцягваць да адказнасці "службовых асоб" Расеі ўнутры краіны? Неяк няёмка ён выказаўся.
Дый навошта ж нешта ў Расеі ствараць? Ёсць жа ў нас у краіне суд - Басманны. Самы справядлівы ў свеце. Там можна асудзіць Байдэна з Зяленскім. А за адным скрыпам зняць санкцыі з кіроўных у нашай краіне асобу. Давайце, бярыцеся за работу.
Тэлеграм-канал «Времени на раскачку нет»