4 снежня 2023, панядзелак, 0:25
Сім сім, Хартыя 97!
Рубрыкі

Генпракуратура спалохалася дронаў

9
Генпракуратура спалохалася дронаў

Рэха Мачулішчаў?

Генеральная пракуратура правяла праверку і ўстанавіла шэраг парушэнняў, якія датычацца парадку выкарыстання паветранай прасторы. Міністру транспарту і камунікацый унесенае прадстаўленне.

Генпракуратура звяртае ўвагу, што грамадзяне незаконна выкарыстоўваюць беспілотнікі і самаробныя канструкцыі.

«Праверка паказала, што грамадзянамі дапускаюцца палёты на незарэгістраваных паветраных суднах звышлёгкай авіяцыі, самаробнай канструкцыі, пры адсутнасці лётнай прыдатнасці, а таксама з не прызначаных для іх выканання месцаў. Сістэматычна фіксаваліся факты палётаў беспілотных лятальных апаратаў пры невыкананні нарматыўных патрабаванняў, якія рэгулююць іх выкарыстанне ў паветранай прасторы», - гаворыцца ў паведамленні Генпракуратуры.

Магчыма, страхі Гепракуратуры звязаныя з падрывам самалёта ў Мачулішчах, дзе быў выкарыстаны дрон.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».

Таксама сачыце за акаўнтамі Charter97.org у сацыяльных сетках