Сакрэтныя дакументы Пентагона: што менавіта даведаўся свет

Ад контрнаступу Украіны да анкалогіі Пуціна.

Выцек сакрэтных дакументаў амерыканскай выведкі - адна з галоўных тэм навін апошняга тыдня. «Эспрэса» прааналізаваў, якія таямніцы і планы былі раскрытыя, і пералічвае галоўныя «злівы», якія трапілі ў сетку.

Першыя дакументы амерыканскіх службаў бяспекі, якія ўважаліся за засакрэчаныя, сталі з'яўляцца ў сетцы ў пачатку сакавіка. Зрэшты, у цэнтры ўвагі СМІ яны выявіліся праз месяц, калі інфармацыя стала закранаць тэму расейска-ўкраінскай вайны. Экспэрты звярталі ўвагу, што не ўсе звесткі можна ўважаць за правераныя і яны могуць змяшчаць нямала маніпуляцый.

Пазней каардынатар у стратэгічных камунікацыях Рады нацбяспекі ЗША Джон Кірбі падкрэсліў, што «злітыя» дакументы могуць змяшчаць няпоўную інфармацыю, а то і зусім быць падробленымі, бо яны не адлюстроўваюць апошнія выведзвесткі Амерыкі.

Пакуль Пентагон расследуе інцыдэнт з выцекам звестак, а ФБР нават арыштавала падазраванага, дакументы працягваюць публікаваць розныя выданні. Датычацца яны не толькі Украіны, Расеі, але і Блізкага Усходу, Кітая, Інда-Ціхаакіянскага рэгіёну.

«Эспрэса» сабраў самыя галоўныя выцекі, вядомыя на гэты момант і якія так ці інакш закранаюць Украіну.

Вайна ва Украіне

У дакументах шмат інфармацыі - наўпроставай або апасродкаванай - аб запланаваным контрнаступе Украіны.

▪ колькасць тых, хто рыхтуецца да наступлення ўкраінскіх брыгад;

▪ зброя: танкі, бронетэхніка і артылерыя, якія прадстаўляюцца заходнімі супольнікамі Украіны;

▪ адна з мапаў змяшчае інфармацыю аб умовах глебы ва ўсходняй Украіне з надыходам вясны;

▪ колькі штодня марнуецца боепрыпасаў да HIMARS;

▪ агаворка, што затрымка з пастаўкай вайсковай тэхнікі паўплывае на падрыхтоўку і гатоўнасць да выканання задач ва ўстаноўленыя тэрміны і можа прывесці да «сціплых тэрытарыяльных дасягненняў»;

▪ аналіз праблем Украіны з падтрымкай жыццёва важнай супрацьпаветранай абароны.

Спасылаюцца на СМІ і на магчымую дату запланаванага «вясновага наступу»: 30 красавіка 2023 года. Наступ будзе ажыццяўляць 10-ы ўкраінскі аператыўны корпус, які складаецца з дзявяці брыгад, якія перааснашчаюцца ЗША і хаўруснікамі. Яшчэ тры дадатковыя брыгады будуць цалкам укамплектаваныя Украінай. «Агульная колькасць абсталявання, неабходнага для 9 брыгад, складае 253 танкі, 381 БМП, 480 транспартных сродкаў, 147 адзінак артылерыі, а таксама 571 амерыканскую браняваную машыну HMMWV», – гаворыцца ў адным з дакументаў.

У студзені ЗША заклікалі Украіну пакінуць Бахмут, бо меркавалі, што ўкраінскія войскі будуць «зазнаваць рызыку акружэння, калі яны не адступяць цягам наступнага месяца», - гаворыцца ў дакуменце з грыфам «цалкам сакрэтна».

У дакументах згадваецца прысутнасць ва Украіне заходніх спецназаўцаў, без удакладнення іх дзейнасці ці месцазнаходжання. Праўда, названая колькасць кантынгенту невялікая - да сотні (Вялікай Брытаніі - 50, Латвіі - 17, Францыі - 15, ЗША - 14 і Нідэрландаў - 1). Міністр абароны Украіны Аляксей Рэзнікаў адмаўляў наяўнасць ва Украіне спецназа NATO і заявіў, што ў апублікаваных дакументах «шмат інфармацыі, якая не адпавядае рэчаіснасці». А ў Белым доме патлумачылі, што вайскоўцы «не ваююць на полі бою», а гаворка ідзе пра «невялікую вайсковую прысутнасць ЗША супольна з офісам аташэ ў пытаннях абароны, каб дапамагчы нам працаваць над падсправаздачнасцю матэрыялаў, якія ўвозяцца і вывозяцца з Украіны».

Ёсць згадкі аб колькасці загінулых з расейскага і ўкраінскага боку.

▪ У адным дакуменце прадстаўнікі амерыканскай выведкі сцвярджаюць, што ФСБ абвінаваціла міністэрства абароны краіны «ва ўтойванні расейскіх страт ва Украіне».

▪ У іншым дакуменце гаворыцца, што ў лютым расейцы панеслі страты ад 190 да 223 тысяч салдат, у тым ліку да 43 000 забітых у баях, у параўнанні страты ўкраінцаў складаюць ад 124 да 131 тысяч, з якіх да 17 500 забітых і ад 109 да 113,5 тысячы параненых.

Reuters адзначае, што ў адным з гэтых дакументаў, размешчаным на расейскіх тэлеграм-каналах, лічбы страт былі груба змененыя, каб паменшыць расейскія і павялічыць украінскія.

▪ Элітны расейскі спецназ панёс вялізныя страты яшчэ ў пачатку ўварвання і для яго аднаўлення патрэбныя гады. Акрамя таго, расейскае камандаванне выкарыстоўвала спецназ у якасці пяхоты.

▪ Вайна ва Украіне, імаверна, будзе працягвацца і пасля 2023 года. Расейская кампанія знясілення войскаў на Данбасе, хутчэй за ўсё, зойдзе ў тупік і яны не змогуць захапіць увесь рэгіён у 2023 годзе.

▪ Галоўная ўправа выведкі Мінабароны Украіны распрацоўвала планы ўдараў па расейскіх сілах у Сірыі, прынамсі, па наймітах з ПВК «Вагнер», каб прымусіць Расею перакінуць частку сіл з Украіны ў Сірыю. Удары планаваліся з выкарыстаннем беспілотнікаў з тэрыторый, падкантрольных курдскім атрадам, а Турцыя была праінфармаваная аб такіх планах.

Пасля апублікавання звестак Дзярждэп выказаўся, што інцыдэнт з публікацыяй сакрэтных дакументаў не паўплывае на падтрымку Украіны.

«Інтарэсы» з Расеі

Ва Уладзіміра Пуціна - анкалагічнае захворванне, а вышэйшае вайсковае камандаванне гатовае скончыць вайну

Сакратар Савета нацбяспекі РФ Мікалай Патрушаў і начальнік Генштаба РФ Валерый Герасімаў планавалі сабатаваць вайну супраць Украіны і скончыць яе. Для гэтага яны мелі намер перакінуць 5 сакавіка войскі на поўдзень - менавіта ў гэты час Пуцін не змог бы паўплываць на сітуацыю, бо павінен быў пачаць курс хіміятэрапіі.

Пазіцыя іншых краін наконт украінскага пытання

Сербія плануе перадаць ці ўжо перадала зброю Украіне

У дакуменце Пентагона пералічаныя «ацэначныя пазіцыі» 38 еўрапейскіх урадаў у адказ на просьбу Украіны аб ваеннай дапамозе. Сербія адмовілася праводзіць вучэнні ўкраінскіх вайскоўцаў, але абавязалася надаць смяротную дапамогу або ўжо надала яе. Таксама адзначана, што ў Сербіі ёсць палітычная воля і вайсковая здольнасць даваць зброю Украіне ў будучыні.

Прэзідэнт Сербіі Мілаш Вучавіч ужо зняпраўдзіў такую інфармацыю

Паўднёвая Карэя занепакоеная пастаўкамі зброі Украіне

Сеул не мае ўзбройваць Украіну праз боязь наладзіць варожа Расею. У справаздачы, заснаванай на звестках радыётэхнічнай выведкі, ёсць размова паміж дарадцамі ў нацыянальнай бяспецы, якія перажываюць праз ціск ЗША накіраваць боепрыпасы ва Украіну і іх палітыкай не ўзбройваць краіны ў стане вайны. У якасці кампрамісу яны разважаюць аб адпраўцы зброі Польшчы.