У Польшчы забаранілі працу на дзяржслужбе экс-супрацоўнікам савецкіх сілавых структураў

Працу могуць страціць да 40 тысячаў дзяржслужбоўцаў.

Прэзідэнт Польшчы Анджэй Дуда падпісаў папраўку да закону, якая забараняе працаўладкаванне функцыянераў і супрацоўнікаў органаў бяспекі Савецкай Польскай Народнай Рэспублікі на дзяржаўнай службе і ў дзяржаўных установах.

Пра гэта паведамляе TVN.

Польскі Сейм прыняў папраўкі да закону аб дзяржаўнай службе і некаторых іншых актаў, падрыхтаваныя ўрадам на просьбу Міністэрства ўнутраных справаў і адміністрацыі Польшчы, у красавіку, пераадолеўшы вета Сейму ў траўні.

Канцылярыя прэзідэнта Польшчы ў панядзелак паведаміла, што Дуда падпісаў закон 14 чэрвеня.

Папраўка ўводзіць забарону на прыняцце на дзяржаўную службу і працу ў дзяржаўных установах людзей, якія ў перыяд з 22 ліпеня 1944 года да 31 ліпеня 1990 года працавалі ў органах дзяржаўнай бяспекі або былі супрацоўнікамі гэтых органаў.

Тыя экс-працаўнікі савецкіх сілавых структураў, якія да гэтага часу знаходзяцца на дзяржслужбе або зманілі пры працаўладкаванні, будуць аўтаматычна звольненыя.

Таксама будуць звольненыя дзяржслужбоўцы, народжаныя да 1 жніўня 1972 года, якія не пададуць дэкларацыю аб папярэдніх месцах працы цягам 30 дзён з моманту пачатку дзеяння папраўкі.

Як піша TVN, усяго працу могуць страціць да 40 тысячаў дзяржслужбоўцаў у Польшчы.