Палкоўнік УСУ: Кадыраўскія падраздзяленні нечакана зняліся і выйшлі з Мар'інкі
2- 24.06.2023, 21:20
- 24,772
Што з іншымі фармаваннямі расейцаў на гэтым кірунку?
Сёння ўначы з Мар'інкі выйшлі кадыраўскія падраздзяленні. Іншыя фармаванні акупантаў пакуль не выказваюць такіх намераў. Пра гэта заявіў падпалкоўнік УСУ і прэс-афіцэр, які працуе на гэтым кірунку, Яраслаў Чапурны.
- Сёння ўначы чачэнскія падраздзяленні, якія ваююць супраць нас у Мар'інцы, нечакана зняліся і пачалі выходзіць з Мар'інкі, - сказаў Чапурны.
З ягоных слоў, аэраразведка гэта заўважыла, і па праціўніку была нанесеная агнявая параза, падбіты адзін БТР.
- Полк ахмат-усход і атрады спецпрызначэння ў поўным складзе, якія ваявалі, тут зняліся і кудысьці з'ехалі, - сказаў Чапурны.
У той жа час іншыя фармаванні акупантаў «не выказваюць намераў зняцца і сысці».
Таксама Чапурны паведаміў, што колькасць абстрэлаў украінскіх пазіцый з боку ворага амаль не змянілася.