У цэнтры Менска сутыкнуліся тры аўтамабілі

Пацярпеў адзін чалавек.

На вуліцы Казлова ў Менску сутыкнуліся тры аўто, паведамляе прэс-служба УДАІ ГУУС Менгарвыканкама. Пацярпеў адзін чалавек.

ДТЗ адбылося сёння а 13.30. 31-гадовы кіроўца Volkswagen праз невыкананне дыстанцыі сутыкнуўся з Mitsubishi, які спыніўся наперадзе. Той, у сваю чаргу, заехаў у Ford. Пасажыр Volkswagen атрымаў траўмы і быў дастаўлены ў медустанову для абследавання.

На месцы працавалі супрацоўнікі аддзела ДАІ Партызанскага РУУС Менска.