УСУ знішчылі расейскую радыёлакацыйную станцыю «Фара»

Яе знайшлі падчас вядзення разведкі на Паўднёвым кірунку.

Вайскоўцы Узброеных сіл Украіны з дапамогай дрона знішчылі расейскую радыёлакацыйную станцыю «Фара». Пра гэта паведамілі Сілы спецыяльных аперацый Узброеных сіл Украіны.

Паводле звестак вайскоўцаў, падчас вядзення разведкі на Паўднёвым кірунку экіпаж БпАК 73-га марскога цэнтра ССА знайшоў партатыўную радыёлакацыйную станцыю «Фара-ПВ».

«У выніку агнявой паразы ўдарным дронам радыёлакацыйная станцыя ворага знішчаная», – дадалі ў ССА.

На відэа можна ўбачыць, як украінскія вайскоўцы знайшлі і ліквідавалі расейскую радыёлакацыйную станцыю.