На заводзе пад Іжэўскам прагрымеў магутны выбух

Відэа.

У Расеі на Воткінскім заводзе, які знаходзіцца пад Іжэўскам, прагрымеў магутны выбух. Пасля гэтага пачаўся моцны пажар.

Пра гэта паведамляе Telegram-канал Baza.

Прапагандысцкі канал напісаў, што выбух нібыта звязаны з выпрабаваннямі ракетных рухавікоў і ён «прагрымеў на палігоне».

Пры гэтым прадстаўнікі Воткінскага завода расказалі мясцоваму МНС пра «нейкія выпрабаванні».

У той самы час мясцовыя жыхары публікуюць відэа, на якіх можна заўважыць вялізны пажар пасля выбуху.

Варта заўважыць, што Воткінскі завод – расейскі вытворца агнястрэльнай зброі і ваеннай тэхнікі.

Таксама на заводзе вырабляюць расейскія міжкантынентальныя балістычныя ракеты «Таполя-М», якія могуць несці ядзерны зарад, і ракеты «Іскандэр-М», якімі абстрэльваюць Украіну.