У сеціва патрапілі фрагменты бою бельгійскіх добраахвотнікаў УСУ з расейскімі вайскоўцамі

Байцы вялі агонь па акупантах з акопаў і бліндажоў у Серабранскім лесе.

У сеціве апублікавалі відэа бою ў Серабранскім лесе паблізу Крамянной у Луганскай вобласці. Там расейскіх акупантаў стрымліваюць бельгійскія добраахвотнікі УСУ.

Як піша obozrevatel.com, адпаведныя кадры з'явіліся ў Telegram-канале «Апошні блокпост». На іх відаць, што замежнікі вядуць агонь са стралковай зброі, знаходзячыся ў акопах і бліндажах. У той самы час вораг бесперапынна «палівае» іх з розных відаў зброі.