Спадарожнікавыя здымкі пацвердзілі ўдар УСУ па базе з вайскоўцамі ў Белгарадскай вобласці РФ

Там размяшчаўся камандны пункт 6-й арміі РФ, які адказваў за наступ на Ваўчанск.

Спадарожнікавыя здымкі пацвярджаюць удар па базе адпачынку «Нежэголь» у Белгародскай вобласці, а фатаграфіі з сацсетак – прысутнасць там расейскіх вайскоўцаў, звярнула ўвагу «Радыё Свабода». На аб'екце мог знаходзіцца камандны пункт расейскага войска.

Вывучаныя «Радыё Свабода» здымкі сэрвісу Planet.com за 10 чэрвеня пацвердзілі інфармацыю пра ўдар па базе, якая з'явілася ў панядзелак у ананімным тэлеграм-канале «Дасье шпіёна». Як упэўніўся карэспандэнт РС, як мінімум са снежня 2022 года на базе фатаграфаваліся расейскія вайскоўцы.

У паведамленні «Дасье шпіёна» гаворыцца, што ў «Нежэголе» размяшчаўся камандны пункт 6-й расейскай арміі, які адказваў за наступ на Ваўчанск. Сцвярджаецца, што 6 афіцэраў пункта ўважаюцца за зніклых без вестак, незалежнага пацверджання гэтай інфармацыі няма.

У нядзелю пра ўдар па камандным пункце ў Белгарадскай вобласці паведаміў са спасылкай на крыніцу ва ўкраінскай выведцы брытанскі канал Sky News. Сцвярджалася, што ўдар быў нанесены ўкраінскай авіяцыяй.