У Менску развіталіся з народным артыстам Беларусі Яраславам Еўдакімавым

Яго праводзілі пад песню «Фантазёр».

Народнага артыста Беларусі Яраслава Еўдакімава 24 жніўня пахавалі на могілках «Лясныя» ў Менску, у сектары ганаровых пахаванняў, паведамляе «Онлайнер».

Цырымонія развітання прайшла сёння ў рытуальнай зале на вуліцы Альшэўскага. У астатні шлях спевака праводзілі воплескамі пад песню «Фантазёр».

Яраслаў Еўдакімаў памёр 22 жніўня ва ўзросце 78 гадоў. У апошнія гады ён хварэў на рак лёгкіх.

Яраслаў Еўдакімаў - ураджэнец украінскага Роўна. Ён праславіўся ў 1980-я гады як саліст Беларускай дзяржаўнай філармоніі. Найбольш вядомыя яго песні - «Фантазёр», «Калодзеж», «За Белаю ракой», «Ружы белыя»,«Усё збудзецца».

Еўдакімаў быў заслужаным артыстам Беларускай ССР (1980), народным артыстам Беларускай ССР (1989), народным артыстам Расеі (2006).

У 1996 годзе спявак пераехаў у Маскву, у 2009-м атрымаў грамадзянства РФ. Пры гэтым актыўна ўдзельнічаў у фестывалях ва Украіне і падтрымліваў культуру гэтай краіны.

У 2017 годзе Еўдакімаў абвінаваціў расейскія ўлады ў развязванні вайны на паўднёвым усходзе Украіны: «Я мяркую, што гэта трагедыя страшная. Я абвінавачваю ва ўсім Крэмль, Пуціна, гоп-кампанію крамлёўскую. Украінцы ім ніколі гэтага не даруюць. Яны загубілі маладыя жыцці, блізу 10 000 чалавек. За што? Хіба, ім Данбас патрэбны? Крым патрэбны?»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com