Бэрлін і Брусэль: Украіна змагаецца за свабодную Еўропу
2- 24.08.2025, 21:17
- 1,866
«Мы непахісна стаім на іх баку - сёння і ў будучыні».
Нямеччына працягне падтрымліваць Украіну, якая ўжо чацвёрты год абараняецца ад расейскай агрэсіі. Гэта вынікае з паведамлення канцлера ФРГ Фрыдрыха Мэрца (Friedrich Merz), апублікаванага ім у мікраблогу X у нядзелю, 24 жніўня, у сувязі з Днём незалежнасці Украіны, піша «Нямецкая хваля».
- З вялікай мужнасцю ўкраінкі і ўкраінцы абараняюцца ад расейскіх нападаў. Яны змагаюцца за наш свабодны парадак у Еўропе і справядлівы свет, - напісаў кіраўнік нямецкага ўрада. - У Дзень незалежнасці мы непахісна стаім на іх баку - сёння і ў будучыні.
Mit großem Mut verteidigen sich die Ukrainerinnen und Ukrainer gegen Russlands Angriffe. Sie kämpfen für unsere Freiheitsordnung in Europa und einen gerechten Frieden. Zum Unabhängigkeitstag stehen wir fest an ihrer Seite – heute und in Zukunft. pic.twitter.com/X5ocbuinhg
— Bundeskanzler Friedrich Merz (@bundeskanzler) August 24, 2025
Аналагічна выказалася ў сваім віншаванні ўкраінцам старшыня Еўракамісіі Урсула фон дэр Ляен (Ursula von der Leyen).
- Свабодная, дэмакратычная і незалежная Украіна. Вось за што мы змагаемся. Вось на што накіраваны ўсе нашы намаганні. Мы застаёмся на вашым баку, пакуль гэта неабходна. Бо свабодная Украіна азначае свабодную Еўропу, - напісала яна ў сацсетцы X.
A free, democratic and independent Ukraine.
— Ursula von der Leyen (@vonderleyen) August 24, 2025
That's what you are fighting for.
That's what our efforts are all about.
We are with you, for as long as it takes. Because a free Ukraine is a free Europe.
Happy Independence Day, Ukraine! pic.twitter.com/ZhlmgxBZ3i
Са свайго боку кіраўнік нямецкай дзяржавы-прэзідэнт ФРГ Франк-Вальтэр Штайнмаер (Frank-Walter Steinmeier) - так звярнуўся да ўкраінцаў у віншаванні, якое цытуе ў сацсетцы X ад яго імя прэс-сакратар Керсцін Гамелін (Cerstin Gammelin):
- Жадаю вам, каб гэтае святкаванне незалежнасці надало ўкраінкам і ўкраінцам новай мужнасці супрацьстаяць расейскай агрэсіі.
"Ich wünsche Ihnen, dass diese Feier der Unabhängigkeit allen Ukrainerinnen und Ukrainern neuen Mut verleiht, sich der russischen Aggression entgegenzustellen." Bundespräsident #Steinmeier gratuliert Wolodymyr Selensky zum Unabhängigkeitstag der Ukraine.🇺🇦 @ZelenskyyUa @UKRinDEU
— Cerstin Gammelin (@BPrSprecherin) August 24, 2025
Падсвятленне ў колерах ўкраінскага сцяга
Віншаванні ўкраінцам у Дзень незалежнасці іх краіны накіравалі і іншыя сусветныя палітычныя лідары, у тым ліку прэзідэнт ЗША Дональд Трамп, прэм'ер-міністр Канады Марк Карні, прэм'ер-міністр Вялікабрытаніі Кір Стармер.
We stand with Ukraine today, and always.
— Keir Starmer (@Keir_Starmer) August 24, 2025
Slava Ukraini. pic.twitter.com/guDL6Mh9FI
У гонар Дня незалежнасці Украіны колерамі нацыянальнага сцяга гэтай краіны падсвятлілі будынкі Еўрапейскай рады, Еўрапарламента і Еўракамісіі, парламента Канады ў Атаве, МЗС Латвіі ў Рызе.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
