Украінскі ваенны карэспандэнт выратаваў чатырохгадовую дзяўчынку з дома, у які трапіў «Шахед»

Бацькі дзяўчынкі загінулі.

Ваенны карэспандэнт «Радыё Свабода» Мар’ян Кушнір выратаваў 4‑гадовую дзяўчынку падчас расійскай атакі па Белагарадцы Кіеўскай вобласці 28 студзеня. Бацькі дзіцяці загінулі ў выніку абстрэлу.

Пра выратаванне дзіцяці Кушнір распавёў у сюжэце ТСН.

Па словах ваенкара, калі а другой гадзіне ночы ён пачуў выбух, то падумаў, што гэта газ. У Мар’яна Кушніра дома ёсць медыцынскі заплечнік, узяўшы які, ён пабег дапамагаць. Мужчына адзначыў, што ўбачыў адчыненыя дзверы ў кватэры, якая атрымала моцныя пашкоджанні ў выніку расійскай атакі, і пайшоў унутр.

Кватэра, пра якую згадвае Кушнір, знаходзіцца на верхнім паверсе. Там узнік пажар у выніку варожай атакі і пападання дрона. У кватэры жылі сужэнцы і іх чатырохгадовае дзіця. Таксама там жыў 20‑гадовы сын жанчыны.

«Адчыніў яе [кватэру — рэд.] і ўбачыў там дзяўчынку ў коўдры, на ложку, плача, крычыць: мама. А мама на другім паверсе — менавіта там быў пажар. Дзяўчынку на рукі ўзяў, вынес, забраў адтуль», — распавёў Мар’ян Кушнір.

Па словах ваенкара, дзіця не пацярпела, яго перадалі найбліжэйшым сваякам. Сам Мар’ян Кушнір жыве на чацвёртым паверсе дома, у які трапіў варожы дрон і ў якім загінулі сужэнцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com