«У вас там што, увесь калектыў звольніўся?»
7- 13.10.2026, 11:07
- 1,624
Беларусы высмяялі масавы пошук супрацоўнікаў у Белдзяржцырку.
Беларускі дзяржаўны цырк апублікаваў у Трэдсе абвестку пра пошук супрацоўнікаў. Судзячы па спісе, установе не хапае не толькі артыстаў, але і дапаможнага персаналу, уключна з прыбіральшчыкамі, ахоўнікам і эканамістам, піша «Салідарнасць».
У спісе — 15 вакансій. Цікава, што заробкі ў тым жа допісе ўстанова культуры чамусьці не прывяла. Іх няма і на афіцыйным сайце Белдзяржцырка, дзе абвестка пра пошук супрацоўнікаў наогул датаваная 2023 годам.
А вось у рэспубліканскай базе вакансій можна даведацца, што заробкі для меркаваных супрацоўнікаў вар'іруюцца ад 375 рублёў (столькі абяцаюць дрэсіроўшчыку, на чвэрць стаўкі) да 2,5 тысяч (для акрабатаў, наезніка, эквілібрыста).
Эканамістру, між іншым, гатовыя плаціць менш — да 2 тысяч рублёў, як і артысту балета. Пры гэтым інтэрнат, судзячы па паметках у тэксце вакансій, гатовы прадастаўляць толькі прыбіральшчыкам.
За дзень допіс набраў больш за 160 тысяч праглядаў і паўтысячы каментароў.
«У вас там што, увесь калектыў звольніўся?» — недаўмяюць беларусы. Многія пры гэтым адзначаюць, наколькі нізкія заробкі прапануе цырк за вялікую нагрузку і адказнасць. А што яшчэ пішуць беларусы пра такі дзіўны пошук супрацоўнікаў? Шмат сумнай іроніі і чорнага гумару.
«Да апошняга быў упэўнены, што гэта пачатак анекдота».
«Прасвятліце людзей, куды ўсе работнікі падзеліся?»
«Можна было проста напісаць: У Беларускі дзяржаўны цырк патрабуюцца ўсе. Не допіс, а нейкі цырк, шчыра кажучы».
«Добры заробак толькі ў клоўнаў? Судзячы з таго, што такіх вакансій няма». (Насамрэч ёсць адна вакансія артыста-кавернага — гэта клоўн, які падчас прадстаўлення запаўняе паўзы паміж нумарамі — С.).
«Смяшныя грошы».
«Атрымліваецца, цырк з'ехаў, а клоўны засталіся, збіраеце новы цырк, але са старымі клоўнамі».
«Вось гэта дэмарш, такога ніхто не рабіў з 1917 года». «Вы забыліся зачыніць клетку з тыграмі?»
«Дык што ж такое трэба было паставіць, каб звольніліся ўсе, ад буфетчыкаў да артыстаў».
«Мяне больш рассмяшыла, што яшчэ і рэзюмэ трэба высылаць. Так, падаеце рэзюмэ на буфетчыка 3-га разраду? Кім працавалі? Кім бачыце сябе праз пяць гадоў? Той момант, калі назва ўстановы працадаўцы цалкам апраўдана».
«Бярыце любога выхавацеля з дзіцячага садка. Хопіць аднаго на ўсе пасады». — «Яшчэ і ў гарадскіх конкурсах паўдзельнічае, а восенню будзе грабці лісце». — «Яшчэ і касцюмы вырабіць на любую тэму і любой складанасці».
«Клоўн не патрэбны? Мой былы працу шукае». — «З маім у дуэце будуць выступаць. Мой яшчэ і фокуснік знатны: раз — і знік».
«Так-с, мы толькі што купілі квіткі на 1.11. Калі вы шукаеце цэлы штат, дык на каго мы глядзець будзем?» — «На сумоўе».
«Дык значыць, навагодняга прадстаўлення не будзе?»
«Калі я бабулю з сабой вазьму, вакансія дрэсіроўшчыка будзе занятая першай».
Усім, хто пытаецца, — вакансія вядучага клоўна закрытая з 1996 года.
«Судзячы з усяго, у вас толькі вартаўнік не ўцёк».
«Праверку КДБ не прайшлі папярэднія?»
«Ёсць адзін персанаж, ён у геапалітычным шпагатзе на чатырох крэслах ужо больш за 30 гадоў спрабуе ўседзець. Але яму 72. Вазьмяце пенсіянера?»
«Цікавыя пасады ў парламенце вызваліліся».
«Відаць, беларусам цырку і ў жыцці хапае».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
