Лукашэнка пагразіў адправіць сваіх чыноўнікаў на вайсковыя зборы

У тым ліку кіраўніка сваёй адміністрацыі Крутога.

Аляксандр Лукашэнка падчас рабочай паездкі ў Віцебскую вобласць у чацвер, 15 кастрычніка, пагразіў адправіць беларускіх чыноўнікаў на вайсковыя зборы.

Дыктатар спытаў у чыноўнікаў пра стратэгію развіцця паўночных раёнаў вобласці: Мёрскага, Верхнядзвінскага, Расонскага, Браслаўскага. Адказы чыноўнікаў, у тым ліку кіраўніка Віцебскай вобласці Аляксандра Рагожніка і віцэ-прэм’ера Юрыя Шулейкі, узурпатара не задаволілі.

— Чаму ён (заснавальнік сельскагаспадарчага вытворчага ўчастка «Красный бор агро» Мікалай Варабей. — Рэд.) працуе, а іншыя не? Калі хтосьці не выканае тое, што я зараз сказаў, — да Хрэніна (міністр абароны Віктар Хрэнін. — Рэд.), ён чакае. На чале з губернатарам, май гэта на ўвазе (звяртаецца да старшыні Віцебскага аблвыканкама Аляксандра Рагожніка. — Рэд.), — заявіў дыктатар.

Лукашэнка не выключыў, што на зборы можа пайсці і кіраўнік адміністрацыі правіцеля Дзмітрый Круты, які будзе камандаваць батальёнам.

— Таму размоў быць не можа. Тут павінна быць вайсковая, найжорсткая дысцыпліна, — падкрэсліў кіраўнік Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com