Мінчанка выкрыла краму «Соседи» ў падмане пакупнікоў

Паверх налепак з мінулым тэрмінам прыдатнасці налапляюцца новыя.

Мінчанка выкрыла краму «Соседи», якая знаходзіцца на вуліцы Янкі Маўра, 9а, у падмане пакупнікоў. На прадукты паверх налепак з мінулым тэрмінам прыдатнасці налапляюць новыя. Фота яна размясціла ў сацсетцы Threads.

«Соседи», скажыце, калі ласка, з якога часу падвойная маркіроўка лічыцца нормай? — звярнулася яна да кіраўніцтва сеткі. Падышла да прадаўца ў мясным аддзеле, паказала, у адказ пачула: «Гэта не маё, у мяне мяса, шукайце ў зале», і нават не забрала сыр. «Соседи», вуліца Янкі Маўра, 9а, 15 кастрычніка».

Паводле слоў каментатараў, якія працавалі ў сферы сеткавага гандлю, падобная практыка распаўсюджаная ў Беларусі амаль паўсюль.

«Усё, што рэжуць і фасуюць у краме, перамаркіроўваюць, калі своечасова не прадаецца. Заяўляю як былы работнік буйной сеткі», — напісаў адзін з іх.

«Рэжуць усю галоўку сыра адразу. Фасуюць. А потым ужо штампуюць патрэбную колькасць этыкетак. Калі нешта не прададзена, то перадрукоўваюць этыкеткі. Сыр у слюдзе вы амаль са 100% верагоднасцю ніколі не набыце ў дзень нарэзкі. Бярыце ў заводскай упакоўцы», — параіў адзін з каментатараў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com