WSJ: Зяленскі вылучыў умову для мараторыя на ўдары па расійскіх НПЗ

Адзін з варыянтаў пагаднення прапаноўвалі Украіне амерыканскія сенатары.

Амерыканскія сенатары-рэспубліканцы Роджэр Уікер і Кевін Крамер прапанавалі прэзідэнту Украіны Уладзіміру Зяленскаму часова прыпыніць удары па расійскіх энергетычных аб’ектах, а ў абмен на гэта ЗША пашыраць зону пакрыцця ўкраінскай спадарожнікавай сеткі Starlink прыкладна на 300 кіламетраў у глыб тэрыторыі Расіі. Як піша The Wall Street Journal, гэта адбылося ў мінулую пятніцу падчас візіту сенатараў у Кіеў.

Як адзначаецца ў выданні, гэта дапамагло б Украіне нейтралізаваць расійскія ракетныя пускавыя ўстаноўкі і тым самым аслабіць расійскія ўдары.

«Нам паведамілі, што Зяленскі заявіў, што пагодзіцца з гэтай прапановай і абавязуецца ўстрымацца ад бамбаванняў энергетычных аб’ектаў у Расіі на працягу 100 дзён у межах такой дамоўленасці», – пішуць журналісты.

Паводле іх даных, Зяленскі таксама заявіў, што гатовы абмяняць прыпыненне удараў па НПЗ на больш ракет Patriot. Але, маўляў, магчымасць паразіць лучніка, а не проста даць яму магчымасць запускаць стрэлы, — гэта яшчэ лепш.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com