Пуцін загадаў сваёй арміі адмовіцца ад «усіх правілаў вайны»

Украінская выведка атрымала гэтую інфармацыю пасля перахопу размоў прадстаўнікоў Крамля.

У верасні расійскі дыктатар Уладзімір Пуцін даў ваеннаму кіраўніцтву РФ указанне адмовіцца ад якіх-небудзь «правілаў вядзення вайны». Гэта датычыцца і паветраных атак на Украіну.

Пра гэта прэзідэнт Украіны Уладзімір Зяленскі заявіў у інтэрв’ю газеце Financial Times.

Па яго словах, у верасні Пуцін даў расійскаму ваенному кіраўніцтву ўказанне адмовіцца ад абмежаванняў падчас паветраных атак.

Гэта прывяло да рэзкага павелічэння удараў па грамадзянскіх аб’ектах Украіны на фоне маштабных намаганняў па аднаўленні перавагі ў вайне.

Украінская спецслужба атрымала гэтую інфармацыю пасля перахопу размоў прадстаўнікоў Крамля.

«Ён (Пуцін — рэд.) сказаў, што цяпер ніякіх правілаў няма», — распавёў Зяленскі.

Паводле слоў украінскага прэзідэнта, Пуцін аддаў загад у верасні, калі Расія пачала ўзмацняць атакі на Кіеў, наносячы ўдары па школах, бальніцах і дата-цэнтрах.

Зяленскі падкрэсліў, што атака Расіі на школу ў Кіеве 1 кастрычніка паказала, наколькі распаўсюджаныя падобныя наўмысныя ўдары.

Апошняя расійская кампанія з’яўляецца адказам на ўдары Украіны па нафтаперапрацоўчых заводах, партах і складах у глыбіні Расіі, якія прывялі да дэфіцыту паліва і ўзмацнілі пачуццё неабароненасці ў гарадах і турыстычных цэнтрах краіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com