Дзе ў космасе могуць жыць іншапланецяне: даследаванне паказвае, што яны блізка

Навукоўцы правялі аналіз маштабнай мадэлі Сусвету.

Дзе ў Сусвеце з найбольшай верагоднасцю можа існаваць жыццё? Каб адказаць на гэтае пытанне, навукоўцы правялі аналіз маштабнай мадэлі Сусвету EAGLE. Даследаванне апублікавана ў часопісе Monthly Notices of the Royal Astronomical Society, паведамляе The Conversation.

Участкі космасу, спрыяльныя для жыцця, называюць зонамі жыццепрыдатнасці. Там існуюць неабходныя ўмовы, каб на камяністых планетах была вада ў вадкім выглядзе — галоўны кампанент жыцця ў тым выглядзе, у якім мы яго ведаем. Зона жыццепрыдатнасці знаходзіцца блізка да зорак, але не ўсе зоркі могуць ствараць неабходныя для ўзнікнення жыцця ўмовы.

Напрыклад, каля цэнтра Млечнага Шляху і іншых падобных галактык зорак занадта шмат, таму яны аказваюць негатыўны гравітацыйны ўплыў на планетныя сістэмы. З іншага боку, на ўскрайку галактыкі занадта мала хімічных элементаў, неабходных для жыцця. Як паказвае мадэляванне, Сонца знаходзіцца ў ідэальным месцы ў Млечным Шляху, каб на планеце, размешчанай у зоне жыццепрыдатнасці, узнікла жыццё. Вядома ж, маецца на ўвазе наша планета Зямля. Тое самае праўдзіва і для іншых падобных галактык.

Паводле слоў навукоўцаў, для з'яўлення жыцця патрэбная камяністая планета з цвёрдай паверхняй. Але для фарміравання планет зямнога тыпу патрабуецца пэўная канцэнтрацыя цяжкіх хімічных элементаў (тых, што цяжэйшыя за вадарод і гелій). Калі такой колькасці няма, то планета, прыдатная для жыцця, верагодна, не сфарміруецца. Таксама ў галактыках найбольш неспрыяльнымі для жыцця месцамі з'яўляюцца ўчасткі космасу, дзе часта адбываюцца выбухі зорак і выдзяляецца разбуральнае выпраменьванне.

Мадэляванне паказала, што найбольш небяспечнымі для жыцця з'яўляюцца галактыкі з высокімі тэмпамі ўтварэння зорак. Сучасны Млечны Шлях — тыповы прыклад галактыкі, спрыяльнай для жыцця. У нашай галактыцы адбываецца мала касмічных катастроф, а хуткасць утварэння новых зорак вельмі павольная.

Паводле навукоўцаў, Млечны Шлях выглядае тыповым прадстаўніком тых галактык, якія паспяхова пераўтварылі касмічную сыравіну ў асяроддзе, спрыяльнае для жыцця. Таму патэнцыйныя іншапланецяне могуць існаваць у нашай галактыцы, а таксама ў іншых падобных галактыках.

Магчыма, мы не выявілі іншыя цывілізацыі ў космасе з-за занадта вялікіх адлегласцей, якія нас падзяляюць. А можа, некаторыя цывілізацыі ўжо зніклі па розных прычынах. У любым выпадку новае даследаванне надае надзею: магчыма, мы не самотныя, прынамсі ў Млечным Шляху.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com