«Беларусь паказала вышэйшы клас супраціву»

Свет убачыў, на што здольны народ, які хоча свабоды.

Беларусы параўноўваюць падзеі, якія зараз адбываюцца ў Сербіі Трыумф апазіцыі з пратэстамі 2020 года. Шмат хто праводзіць паралелі паміж двума краінамі і шчыра радуецца таму, што ў Еўропе стала на аднаго прарасійскага аўтарытарнага кіраўніка менш.

Сайт Charter97.org сабраў каментары нашых суайчыннікаў у сацыяльных сетках, якія прысвечаныя парламенцкім выбарам у Сербіі, што адбыліся 25 кастрычніка, і перамозе «Студэнцкага спісу»:

- Сербія — гэта Беларусь учора. Сербія — гэта Беларусь заўтра.

- Беларусь задала такі клас барацьбы, такі ўзровень супраціву, якога не было ніколі і нідзе. Не было такой якасці пратэстаў, як у нас. Магчыма, і не ўдалося скінуць дыктатара, але мы ўсе ўбачылі, якім павінна быць грамадзянскае грамадства.

- Сербіі пашанцавала не мець агульнай мяжы з Расіяй. І Вучыч не бегаў з аўтаматам (абароняючыся ад уласнага народа) і не казаў: «пакуль не заб'яце, не сыду». Калі беларусаў абвінавачваюць, што «не даціснулі», хочацца сказаць: check your privilege.

- Сербскі пратэст вельмі нагадваў беларускі, праўда, сербы, вядома, зубасцейшыя і ўпэўненейшыя, тапачкі, стаючы на лаўцы, не здымалі.

- Мы дастаткова маладыя, каб яшчэ ўбачыць падзенне рэжымаў. Свет непрадказальны і, як мы бачым, тое, што ўчора здавалася толькі надзеяй, сёння — рэальнасць.

- «Беларусь, сапраўды, паказала вышэйшы клас супраціву». Свет убачыў, на што здольны народ, які хоча свабоды. Ведаю не па чутках, што ваш прыклад натхніў і ўкраінцаў, і венграў, і сербаў.

- Калісьці пасля рэвалюцыі ў Сербіі ў Беларусі з'явіўся «Зубр». Думаю, што і цяпер тое, што адбываецца навокал, паўплывае на нас.

- Так, столькі людзей, як у 2020-м, здаецца, даўно ў Еўропе нідзе не выходзіла супраць дыктатара. Не даціснулі, згодзен. Усё наперадзе.

- Не даціснулі, бо Расія пад бокам. Сербам у гэтым плане прасцей. Але, слава Украіне, Расіі, мабыць, нядоўга засталося жахаць суседзяў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com