Украіна нанесла масіраваны ўдар па ваенных аэрадромах расіян

Паражаныя аб’екты ў Адыгеі, Краснадарскім краі і акупаваным Крыме.

Беспілотнікі ў ноч на 4 кастрычніка атаквалі Адыгею. Пад удар трапіў ваенны аэрадром «Ханская» недалёка ад Майкопа, піша ўкраінскі маніторынгавы тэлеграм-канал Exilenova+ са спасылкай на мясцовых жыхароў. На аб’екце пачаўся пажар. У пабліку «ЧП Майкоп» пацвердзілі ўзгаранне пасля атакі, але не ўдакладнілі, дзе яно адбылося. У каментарыях жыхары расказалі, што дроны ляталі «ўсю ноч», у горадзе ўключалі сірэны, таксама былі чутныя выбухі.

Кіраўнік Адыгеі Мурат Кумпілаў паведаміў пра перахоп і знішчэнне 28 украінскіх беспілотнікаў у Майкопе і прыгарадзе. Паводле яго слоў, ніхто не пацярпеў. Зафіксаваныя пашкоджанні дахаў і ашклення некалькіх прыватных дамавалоданняў. Канал Supernova+ сцвярджае, што мэтамі атак ЗСУ сталі «усе месцы запускаў дронаў па Украіне», у тым ліку Майкоп.

Аэрадром «Ханская» размешчаны за 6 км ад горада. Там базуюцца знішчальнікі Су-30, Су-24, Су-34 і ваенна-транспартныя самалёты Ан-12, з дапамогай якіх расійскія вайскоўцы наносяць удары авіябомбамі па Украіне і перавозяць боепрыпасы для баявой авіяцыі. Раней аэрадром неаднаразова станавіўся мэтай ЗСУ.

Таксама, паводле звестак маніторынгавых каналаў, у ноч на 4 кастрычніка былі атакаваныя аэрадром Гвардзейскае каля Сімферопаля ў Крыме і аэрадром Прыморска-Ахтарск у Краснадарскім краі.

Мінабароны Расіі паведаміла, што ўвечары ў суботу і наступнай ноччу ваенныя збілі 559 украінскіх БПЛА, у тым ліку над Адыгеяй, Крымам і Кубанню.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com