Менск, які мы не заўважаем
- 16.11.2026, 15:33
Глядзіце пад ногі.
Мінчанка знайшла ў сталіцы «артэфакты з мінулага» і апублікавала іх фота ў сацсетцы Threads.
На здымках — каналізацыйныя люкі першай паловы мінулага стагоддзя з надпісамі на чатырох дзяржаўных мовах БССР: беларускай, польскай, ідышы і рускай. Таксама на іх пазначана гістарычная назва сталіцы — Менск.
«Падказкі ёсць паўсюль, назірай», — напісала яна.
У сярэднявечных крыніцах, пачынаючы з першага згадвання ў летапісе, горад сустракаецца ў формах Меньск, Менеск, Менск. Пастановай Вярхоўнага Савета БССР ад 29 ліпеня 1939 года яго афіцыйна перайменавалі ў Мінск.

