У Арменіі ў прамым эфіры пабіліся журналіст і палітолаг
7- 17.11.2026, 13:07
- 5,490
Відэафакт.
У Арменіі падчас прамога эфіру на Грамадскім тэлебачанні пабіліся журналіст і палітолаг. Кадры інцыдэнту распаўсюджваюць мясцовыя СМІ.
Што адбылося ў студыі
У праграме «Вялікія дэбаты» ўдзельнічалі прадстаўнік апазіцыйнага руху «Маці Арменія» журналіст Барыс Муразі і палітолаг Арутюн Мкртчян. Яны абмяркоўвалі палітычны парадак дня апазіцыйных сіл краіны. Падчас дыскусіі суразмоўцы пачалі спрачацца, перапалка суправаджалася ўзаемнымі абразамі і пагрозамі.
Потым канфлікт перарос у бойку: мужчыны ўскочылі з месцаў і абмяняліся ўдарамі.
Пасля пачатку бойкі вядучыя перапынілі эфір. У студыю ўвайшлі супрацоўнікі службы бяспекі.