Лукашэнка дарэмна абхажваў прэзідэнта Манголіі
- 17.11.2026, 14:00
Фота: прэс-служба Лукашэнкі
Той сыходзіць у адстаўку на фоне абвінавачанняў у карупцыі.
Прэзідэнт Манголіі Ухнаагійн Хурэлсух абвясціў аб сваёй адстаўцы пасля абвінавачанняў у атрыманні фінансавай выгоды ад дзяржаўнага чыгуначнага праекта, паведамляе Associated Press. Хурэлсух заявіў, што будзе супрацоўнічаць са следствам, піша «Салідарнасць».
Абвінавачанні звязаныя з засакрэчаным тэндарам на будаўніцтва чыгункі Таван-Толгой — Гашуунсухайт, пераможцам якога стала кампанія Bodi Group. Мяркуецца, што палітыкі маглі атрымаць хабары на агульную суму 110 млн долараў, паведамляе Mongolia Daily.
Нагадаем, што тры тыдні таму Ухнаагійн Хурэлсух быў з візітам у Беларусі.
26 кастрычніка Аляксандр Лукашэнка, які наведваў Манголію ў 2024 годзе, заявіў яму:
— Я вельмі хацеў бы, каб ваш цяперашні візіт у Беларусь даў канкрэтныя практычныя вынікі.
З улікам абвяшчэння пра адстаўку прэзідэнта Манголіі вельмі верагодна, што ўсе намаганні Лукашэнкі былі марнымі. Дарэчы, пра гэта можна было здагадвацца і раней. З упартасцю, годнай лепшага прымянення, правіцель працягвае шукаць сяброў сярод самых адыёзных персанажаў сусветнай палітыкі.