У Канстанцінаўцы для РФ паўтараецца купянскі сцэнар
- 21.11.2026, 18:44
ЗСУ ціснуць на расійскую пяхоту.
У Канстанцінаўцы Данецкай вобласці можа паўтарацца сцэнар, раней назіраны ў Купянску: пасля пранікнення расійскіх пяхотных груп і заяў Масквы пра нібыта захоп горада ўкраінскія сілы паступова скарачаюць тэрыторыю пад кантролем праціўніка, піша dialog.ua са спасылкай на незалежны OSINT-праект Malcontent News.
Аўтары адзначаюць, што абстаноўка ў Канстанцінаўцы застаецца складанай, аднак апошнім часам Сілам абароны Украіны ўдалося яе стабілізаваць.
Аналітыкі нагадваюць, як летась расійскія падраздзяленні праніклі ў Купянск сіламі пяхоты, пасля чаго пачалі публікаваць шматлікія відэа з устаноўкай сцягоў і заяўляць пра «поўны кантроль» над населеным пунктам.

Аднак паралельна ўкраінскія сілы наносілі контрудар, ім удалося адрэзаць расійскія групы з паўночнага напрамку, парушыць іх лагістыку і перакрыць шляхі пранікнення ў горад. Пасля гэтага ўкраінскія падраздзяленні зачысцілі астатнія групы расійскай пяхоты непасрэдна ў Купянску.
Падобная сітуацыя цяпер назіраецца ў Канстанцінаўцы: амаль праз пяць месяцаў пасля таго, як Расія абвясціла пра нібыта выкананне задачы па захопе горада, тэрыторыя пад яе фактычным кантролем у горадзе паступова скарачаецца.
Аналітыкі дадаюць, што абмежаванні Starshield не аказваюць істотнага ўплыву на тое, што адбываецца ў гэтым раёне. Паводле іх тлумачэння, FPV-дроны і дроны-бамбардзіроўшчыкі не развіваюць хуткасцяў, пры якіх дзейнічаюць адпаведныя абмежаванні.
Тым часам OSINT-даследчык Monstas адзначае, што расійскія акупанты мяняюць сваю бягучую тактыку інфільтрацыі. Групы, што інфільтруюцца, імкнуцца ўвогуле не ўступаць у баі, а толькі ўтрымліваць тэрыторыю як мага даўжэй.
Са свайго боку, пры вылучэнні ўкраінскіх груп зачысткі расіяне імкнуцца нанесці ім агнявое паражэнне дронамі.
Даследчык называе гэтую тактыку «пасіўна-агрэсіўным наступам» і дадае, што мэта акупантаў — утрыманне занятых інфільтрантамі тэрыторый як мага даўжэй і прымушэнне ўкраінцаў да контратак.

У той жа час такія варожыя групы маюць сур'ёзныя праблемы з забеспячэннем, іх таксама часта знішчаюць дронамі, а не зачыcчаюць пяхатой.
Аднак расійскае камандаванне ў любым выпадку ставіцца да сваіх інфільтруючыхся груп як да расходнага матэрыялу: разлік ідзе на тое, што гэтыя групы будуць прасоўвацца хутчэй, чым іх будуць зачышчаць.
На думку даследчыка, гэта расійская тактыка мае сумнеўную эфектыўнасць, бо не вядзе да рэальнага кантролю над тэрыторыяй.
— Гэта цікавая стратэгія, якая прыводзіць да з'яўлення на расійскіх картах надзвычай глыбокіх шэрых зон, за якімі насамрэч няма рэальнага кантролю. Пры гэтым яе выніковасць выклікае сумневы. Аднак для яе рэалізацыі патрабуецца нестандартнае мысленне і поўнае пагарда да чалавечых жыццяў, — піша аналітык.