22 лiстапада 2026, Нядзеля, 9:49
Падтрымайце
сайт
Сім сім,
Хартыя 97!
Рубрыкі

Беспілотнікі ўпершыню атакавалі стратэгічны эксклаў Расіі

1
Беспілотнікі ўпершыню атакавалі стратэгічны эксклаў Расіі

Мэтай магла стаць галоўная ваенна-марская база Балтыйскага флоту РФ.

Калінінградская вобласць — стратэгічна важны эксклаў Расіі, размешчаны паміж краінамі — чальцамі НАТА і ЕС, упершыню падвергся атаке беспілотнікаў, паведамляе «Дыялог.UA».

У суботу, 21 лістапада, у рэгіёне абвясцілі пагрозу беспілотнікаў, а маніторынгавыя каналы паведамляюць пра выбухі і працу сістэм СПА ў раёне Балтыйска, дзе размешчаная галоўная база Балтыйскага флоту РФ; публікуюцца адпаведныя кадры, знятыя мясцовымі жыхарамі.

СМІ рэгіёну паведамляюць, што паветраная трывога пачалася прыкладна а 19:00 па мясцовым часе (20:00 па Мінску).

Паведамленні пра яе паступалі ад жыхароў некалькіх раёнаў Калінінграда, а таксама Светлагорска, Зяленаградска, Піянерскага і Светлага. Насельніцтву рэкамендавалі перайсці ў бяспечныя месцы.

Асобныя паведамленні датычылі Балтыйска — партовага горада, у якім знаходзіцца галоўная база Балтыйскага флоту Расіі.

Тэлеграм-канал Exilenova+ адзначае, што ў горадзе былі зафіксаваныя шматлікія выбухі і гукі беспілотнікаў. Паводле версіі канала, мэтай атакі магла стаць галоўная ваенна-марская база Балтыйскага флоту Расіі

.

На фоне паведамленняў пра пагрозу беспілотнікаў былі ўведзены абмежаванні ў працы калінінградскага аэрапорта Храбрава. А 21:22 (па Мінску) Расавіяцыя паведаміла пра абмежаванне яго працы, але праз 20 хвілін выкананне рэйсаў аднавілі.

Напісаць каментар 1

Таксама сачыце за акаўнтамі Charter97.org у сацыяльных сетках

▲