22 лiстапада 2026, Нядзеля, 12:27
Падтрымайце
сайт
Сім сім,
Хартыя 97!
Рубрыкі

Страты РФ ва Украіне набліжаюцца да ўзроўню Другой сусветнай вайны

Страты РФ ва Украіне набліжаюцца да ўзроўню Другой сусветнай вайны

Тэмпы набору навабранцаў значна адстаюць.

Страты расійскіх войскаў у забітых складаюць 30–35 тысяч чалавек штомесяц, у той час як тэмпы набору навабранцаў не перавышаюць 20–25 тысяч.

Пра гэта заявіў пастаянны прадстаўнік ЗША пры ААН Майк Уолтц у інтэрв’ю Fox News.

Страты РФ

Паводле слоў дыпламата, РФ штодня губляе на полі бою тысячу вайскоўцаў.

«На сёння, паводле наяўных у нас дадзеных, расіяне набіраюць ад 20 да 25 тысяч новых навабранцаў штомесяц. Яны губляюць ад 30 да 35 тысяч чалавек штомесяц — забітых. Гэта ў некалькі разоў больш, чым яны гублялі ў Афганістане, і набліжаецца да маштабаў іх страт падчас Другой сусветнай вайны — каля тысячы на дзень», — заявіў Уолтц.

Заклік да дыпламатычнага ўрэгулявання

Ён заявіў, што Украіна і Расія «выматалі адна адну», адзначыўшы, што абедзве краіны наўрад ці змогуць доўга падтрымліваць цяперашні ўзровень баявых дзеянняў.

«Гэта жудасная вайна, і прэзідэнт (Дональд Трамп, — рэд.) па-ранейшаму поўны рашучасці знайсці пэўную форму пагаднення, якое пакладзе ёй канец, бо ніводны з бакоў не можа вытрымаць гэтую вайну на знясіленне. Яе немагчыма выйграць ваенным шляхам. Яна павінна завяршыцца дыпламатычным шляхам», — сказаў Уолтц.

Напісаць каментар

Таксама сачыце за акаўнтамі Charter97.org у сацыяльных сетках

▲