У мінскай «Санце» знайшлі курку з будучыні

На ўпакоўцы пазначылі час вырабу, які яшчэ не настаў.

Цэнтр гігіены і эпідэміялогіі Цэнтральнага раёна Мінска праверыў краму «Санта» на вуліцы Мястроўскай, 27, пасля скандальнага відэа з заменай этыкетак на курцы-грыль. Парушэнні пацвердзіліся. У дачыненні да ТАА «Санта Рытэйл» і яго службовых асоб распачалі адміністрацыйны працэс.

Прычынай для праверкі стаў ролік мінчука, які заўважыў падазроныя маніпуляцыі з этыкеткамі на гатовай прадукцыі. Паводле яго слоў, першапачаткова на ўпакоўцы куркі-грыль значыўся час вырабу 15:00.

Затым супрацоўнікі крамы забралі кантэйнеры, а вярнулі ўжо з новымі этыкеткамі, на якіх было пазначана 18:00. Пры гэтым на гадзінніку ў той момант было толькі 17:20. Мужчына выказаў здагадку, што такім спосабам прадаўцы «асвяжаюць» прадукцыю, падаўжаючы ёй тэрмін рэалізацыі.

Спецыялісты Цэнтра гігіены і эпідэміялогіі Цэнтральнага раёна Мінска выехалі ў краму на вуліцы Мястроўскай, 27, каб разабрацца ў сітуацыі. Паводле іх даных, па стане на 30 кастрычніка кіраўніцтва гандлёвага аб’екта пацвердзіла факт абароту харчовай прадукцыі не гарантаванай якасці.

За парушэнне санітарна-эпідэміялагічных патрабаванняў у дачыненні да ТАА «Санта Рытэйл» як юрыдычнай асобы і яго службовых асоб распачалі адміністрацыйны працэс. Пры гэтым пра канкрэтныя штрафы або іншыя меры пакарання пакуль не паведамлялася.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com