Украінцы знішчылі два расійскія «Панцыры» ў Крыме

Таксама былі паражаныя мэты ў Данецкай і Луганскай абласцях.

На тэрыторыі акупаванага Крыму паражаныя два зенітныя ракетна-гарматныя комплексы «Панцыр» (ЗРГК «Панцыр-С2» і ЗРГК «Панцыр») і агнявая група праціўніка. Пра гэта паведамілі у Генштабе ЗСУ.

Таксама пад удар трапіў пункт кіравання БПЛА ў раёне Владоўкі на акупаванай частцы Запарожскай вобласці і састаў матэрыяльна-тэхнічных сродкаў у раёне Белаводска на часова акупаванай тэрыторыі Луганшчыны.

Акрамя таго, пацверджана папярэдняе знішчэнне складскога будынка на складзе ракетна-артылерыйскага ўзбраення праціўніка ў раёне Агароднага Данецкай вобласці.

«Панцыры» прыкрываюць аб’екты рашыстаў у акупаваным Крыме і на поўдні РФ ад украінскіх дронаў і ракет.

«Кожны паражаны комплекс аслабляе супрацьпаветраную абарону праціўніка», — адзначылі ў Генштабе ЗСУ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com