У Беларусі падаражэлі паштовыя паслугі

Колькі цяпер каштуе адправіць ліст.

«Белпошта» абнавіла тарыфы на перасылку лістоў і бандэроляў у межах краіны. Змены прадугледжаны пастановай МАРТ і ўжо ўступілі ў сілу.

Згодна з дакументам, з 22 сакавіка адпраўка звычайнай паштовай карткі або ліста вагой да 20 грамаў для фізасоб каштуе 1 рубель 4 капейкі. Раней гэтая паслуга каштавала на 18 капеек менш.

Калі ліст цяжэйшы, то за кожныя наступныя 20 грамаў вагі давядзецца даплаціць яшчэ 8 капеек (плюс 1 капейка да старога тарыфу).

Для юрасоб і ІП кошт таксама перагледзелі: перасылка картак і канвертаў да 20 грамаў цяпер каштуе 87 капеек — гэта на 15 капеек больш, чым раней.

Нагадаем, гэта не адзінае падаражанне паслуг у сакавіку. З 27 сакавіка ў Мінску вырасце кошт праезду: талончык на наземны транспарт будзе каштаваць 1 рубель 10 капеек, а жэтон у метро — 1 рубель 15 капеек. Таксама сталічныя ўлады ўстанавілі верхнюю мяжу цэн для маршрутак: не больш за 3 рублі 30 капеек за паездку па горадзе і не вышэй за 5 рублёў — у гарады-спадарожнікі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com