«Хацелася б даведацца пра лагіку «Мінсктранса»»

Крык душы мінчука.

Мінчукі ў сацсетках скардзяцца на працу гарадскога грамадскага транспарту.

«Хацелася б даведацца пра лагіку «Мінсктранса», калі адначасова да прыпынку прыязджаюць 4 транспартныя сродкі, а потым няма ніводнага на працягу 15—20 хвілін. Хоць забівайце, але я не разумею гэтай лагікі. Для ўдакладнення: я маю на ўвазе афіцыйны расклад на сайце «Мінсктранса», дзе пазначаныя інтэрвалы па 15 хвілін, і гэта норма. Адсюль і ўзнікла пытанне да іх», — піша ў Threads мінчук пад нікам kaban4eeek.

У адказ на пост карыстальнікі сацсеткі назвалі маршруты, на якіх сутыкнуліся з такой жа праблемай. Сайт Charter97.org прыводзіць некаторыя каментары:

— Згодная, ад бульвара Талбухіна да ДС едуць па супадальным участку маршруту тры розныя тралейбусы, і ў раскладзе інтэрвал паміж імі 1–2 хвіліны, а потым 15–20 хвілін — ніводнага.

— У нас на Дамброўцы—3 усяго два аўтобусы спыняюцца, і абодва прыходзяць адначасова! А потым доўга ніводнага.

— Бараўляны, аналагічная сітуацыя. Едуць усе адразу, потым нікога.

— Каменная Горка — тое самае. Учацвярых прыедуць 42, 52, 60, 128, а потым 8–10 хвілін чакаць, чаргі вар’яцкія назапашваюцца.

— Праспект Дзяржынскага — так жа. Усё з’язджае за 2–3 хвіліны, потым трэба стаяць хвілін 12 дзесьці. У мяне ёсць версія, што транспарт баіцца ездзіць адзін, трэба заўсёды разам. Тыпу 84-ы і 74-ы аўтобус. Ці 10-ы і 25-ы тралейбус. Ці 32-і аўтобус і 47-ы тралейбус.

— З «Магілёўскай» да Шабаноў варыянт або паспець на адзін з аўтобусаў, або стаяць 20 хвілін і зноў чакаць усіх.

— Я думала, што толькі ў Лошыцы так.

— 15 хвілін няма ніводнага трамвая, потым едуць тры запар з інтэрвалам у 1 хвіліну. На прыпынку, адпаведна, стаіць орда пасажыраў. І куды яны ўсе будуць «упіхвацца»?

— Падтрымліваю. Вось такая сітуацыя на прыпынку Філімонава раніцай. Мне на працу на 8:30, але еду заўсёды раней, каб паспець на гэты «сход» транспарту, бо далей да 8:20 няма нічога, акрамя адзінокага, набітага да адмовы, 64-га, у які праз раз не ўлазіш.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com