Іран змякчыў умовы для аднаўлення мірных перамоў з ЗША

Тэгеран зрабіў крок насустрач у пытанні адкрыцця Армузскага праліва.

Іран прадставіў ЗША новую прапанову па спыненні вайны, намякнуўшы на кампраміс для аднаўлення мірных перамоў.

Пра гэта паведамляе The Wall Street Journal.

Паводле звестак крыніц, бакі па-ранейшаму далёкія адзін ад аднаго па ключавых пытаннях, а менавіта — адкрыцця Армузскага праліва і іранскай ядзернай праграмы. Гэта сведчыць, што перамовы застануцца напружанымі.

Але нягледзячы на гэта, Іран зрабіў крок насустрач ЗША, прапанаваўшы абмеркаваць умовы Тэгерана па адкрыцці Армузскага праліва адначасова з гарантыямі ЗША наконт спынення нападаў і зняцця блакады іранскіх партоў.

Для разумення: раней Іран патрабаваў ад ЗША зняцця блакады як папярэдняй умовы для перамоваў і згоды з умовамі спынення вайны, перш чым абмяркоўваць пытанні будучага кіравання пралівам і ядзерную праграму краіны.

Акрамя таго, цяпер Іран гатовы абмяркоўваць пытанні сваёй ядзернай праграмы ў абмен на зняцце санкцый з боку ЗША.

Тэгеран даў зразумець пасярэднікам, што гатовы сесці за стол перамоваў у Пакістане ўжо на пачатку наступнага тыдня, калі Вашынгтон будзе адкрыты да новай прапановы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com