Венгрыя нанесла «ўдар у спіну» РФ
1- 23.05.2026, 14:36
- 2,644
Будапешт знайшоў танную альтэрнатыву расійскаму газу ў ЕС.
Венгрыя разглядае магчымасць падпісання пагаднення з румынскімі кампаніямі OMV Petrom і Romgaz аб пастаўках газу з румынскага радовішча Neptun Deep, здабычу на якім плануюць пачаць у 2027 годзе, паведамляе мясцовае выданне Index са спасылкай на крыніцы, знаёмыя з пытаннем.
Паводле звестак суразмоўцаў журналістаў, венгерская дзяржаўная энергетычная кампанія MVM ужо узгадніла кошт «блакітнага паліва» з новага радовішча для Венгрыі. Мяркуецца, што румынскі газ для Венгрыі будзе не даражэйшы за расійскі. Цяпер абмяркоўваюцца графік і аб’ёмы паставак. Чакаецца, што на пачатковым этапе Венгрыя зможа імпартаваць да 1 мільярда кубаметраў газу з румынскага газавага радовішча.
Журналісты дадаюць, што пастаўкі «блакітнага паліва» з Румыніі маглі б замяніць 20–25 % імпарту расійскага газу.
«Гэта быў бы найбуйнейшы крок на шляху да атрымання газу з-за межаў Расіі па выгаднай цане. Калі нам не ўдасца гэта рэалізаваць, то ад гэтага часу застануцца толькі крыніцы, якія значна даражэйшыя», — адзначыла крыніца выдання. Лёс пагаднення павінен вырашыцца ў бліжэйшыя тыдні. Журналісты адзначаюць, што яго падпісанне ўскладняецца тым, што ў Венгрыі адбываецца змена ўрада, а ў Румыніі пры ўладзе знаходзіцца часовы ўрад. Акрамя таго, у Румыніі існуе пераважнае права дзяржавы на выкуп стратэгічнай сыравіны.
«Калі новае венгерскае кіраўніцтва не падпіша кантракт проста цяпер, шматгадовыя перамовы сарвуцца, і ўсё давядзецца пачынаць спачатку», — падкрэслівае выданне.
Паводле адкрытых крыніц, Neptun Deep — стратэгічна важнае для ЕС радовішча, запасы якога ацэньваюцца прыкладна ў 100 мільярдаў кубаметраў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
