Жыхароў Магілёва папярэдзілі аб выбухах

Што адбываецца?

У Магілёве 26 і 27 мая пройдуць комплексныя камандна-штабныя вучэнні па праверцы гатоўнасці падраздзяленняў МУС да дзеянняў у асаблівых умовах, перадае «Белсат».

У сувязі з вучэннямі з 10:00 да 16:00 у названыя дні будзе закрыты рух транспарту на наступных вуліцах:

Гагарына (ад праспекта Пушкінскага да бульвара Непакорных – у раёне заезду на паркоўку ГЦ «Е-Сіці»);

Дзям’яна Беднага (ад вуліцы Гагарына да Севастопальскай);

па завулку Крайнім.

Адзін з этапаў вучэнняў адбудзецца на тэрыторыі Лядовага палаца па вул. Леніна. Гагарына, 1.

«Побач з аб’ектам могуць быць чутныя гукі выбухаў і стрэлаў. Хвалявацца не трэба», – папярэджвае МУС.

Месяц таму, 23–24 красавіка, камандна-штабныя вучэнні МУС прайшлі ў Віцебску. Тэмай вучэнняў была арганізацыя дзейнасці органаў унутраных спраў і ўнутраных войск МУС «па спыненні групавых парушэнняў грамадскага парадку або масавых беспарадкаў, а таксама экстрэмісцкіх дзеянняў». На фотаздымках з вучэнняў можна ўбачыць, што масоўка, якая выступала ў ролі пратэстоўцаў, мела пры сабе белыя і сінія сцягі.

Ход вучэнняў асабіста кантраляваў міністр унутраных спраў Беларусі Іван Кубракоў. Па выніках першага дня вучэнняў ён выступіў з крытыкай і заявіў, што ў бліжэйшы час пад кіраўніцтвам яго першага намесніка Юрыя Назарэнкі адбудзецца навучальны семінар з начальнікамі міліцыі грамадскай бяспекі рэгіёна, пасля чаго пройдуць чарговыя вучэнні.

Раней падобныя вучэнні прайшлі таксама ў Мінску і Брэсце.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com