26 гадоў таму быў выкрадзены Юрый Захаранка

Экс-міністр унутраных спраў Беларусі знік па дарозе дадому ў Мінску.

Адзін з лідараў апазіцыі знік па дарозе дадому, у раёне вуліцы Магілёўскай у Мінску. На той момант яму было 47 гадоў, піша тэлеграм-канал «Баста!».

Юрый Захаранка пачынаў сваю кар’еру следчым, узначальваў следчы аддзел, да 1991 года быў начальнікам упраўлення ўнутраных спраў Гомельскага аблвыканкама. Потым — начальнікам Следчага ўпраўлення, а пасля ўзначальваў Следчы камітэт МУС Беларусі.

Пасля абрання Лукашэнкі Захаранку прызначылі на пасаду міністра ўнутраных спраў. У адным з інтэрв’ю Захаранка ўзгадаў размову з кіраўніком Савета бяспекі Віктарам Шэйманам, які настойваў, што міністр павінен «выканаць любы загад прэзідэнта».

«Людзей я расстрэльваць не буду, Канстытуцыю парушаць не буду», — тады адказаў кіраўнік сілавога ведамства. У кастрычніку 1995-га Лукашэнка адправіў Захаранку ў адстаўку, а пазней былы міністр быў паніжаны ў званні да палкоўніка міліцыі і звольнены з МУС.

Неўзабаве пасля гэтага Юрый Захаранка перайшоў на бок апазіцыі. 7 мая 1999 года ён патэлефанаваў дадому, сказаў жонцы: «Хутка прыйду, грэй вячэру», але дамоў так і не вярнуўся.

На фота — вулічныя акцыі руху «Зубр», які першым пачаў патрабаваць расследавання забойстваў лідараў беларускай апазіцыі і пакарання датычных да гэтага людзей з асяроддзя Лукашэнкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com