Reuters: Невядомы рабіў мільярдныя стаўкі на нафту перад заявамі Трампа

Трэйдар мог зарабіць сотні мільёнаў долараў.

Невядомы шорціст рабіў стаўкі на падзенне коштаў на нафту на агульную суму 7 млрд долараў непасрэдна перад заявамі прэзідэнта ЗША Дональда Трампа па Іране.

Пра гэта паведамляе Reuters.

Эксперты зафіксавалі незвычайныя і сканцэнтраваныя аб’ёмы «кароткіх» ставак на ф’ючэрсы Brent, WTI, дызель і бензін на біржах ICE і CME. Выяўленая сума ў 7 мільярдаў долараў істотна перавышае 2,6 мільярда долараў, што ўжо расследуе Міністэрства юстыцыі ЗША.

Раней Камісія па гандлі таварнымі ф’ючэрсамі (CFTC) заяўляла, што назірае за падазронымі здзелкамі, аднак афіцыйна факт расследавання не пацвярджала.

Эпізоды падазронага гандлю

Расследаванне вылучыла некалькі ключавых момантаў, калі масавыя продажы актываў адбываліся за лічаныя хвіліны да палітычных анансоў:

23 сакавіка: за 15 хвілін да заявы Трампа аб адтэрмінаванні ўдараў па Іране было прададзена 20 000 лотаў Brent і WTI на 1,35 мільярда, 122 мільёны — па дызелі і 81 мільён — па бензіне. Пасля ананса цэны ўпалі на 15%.

7 красавіка: перад абвяшчэннем аб двухтыднёвым спыненні агню адбыліся продажы на 2,12 мільярда долараў. Brent прасеў да 15%.

17 красавіка: за некалькі хвілін да заявы МЗС Ірана па Армузскім праліве на рынак выставілі актывы на 2 мільярды долараў.

21 красавіка: стаўка на 830 мільёнаў долараў зроблена за 15 хвілін да падаўжэння Трампам рэжыму спынення агню.

Па падліках аналітыкаў, такія аперацыі маглі прынесці сотні мільёнаў долараў прыбытку. Хто менавіта стаяў за гэтымі стаўкамі, пакуль усталяваць не ўдалося.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com