Мікалай Статкевіч усклаў кветкі на Вайсковых могілках Мінска

Лідар апазіцыі патлумачыў, чаму робіць гэта менавіта там і менавіта 8 мая.

Лідар апазіцыі, вызвалены палітвязень Мікалай Статкевіч усклаў кветкі на пахаваннях на Вайсковых могілках Мінска і патлумачыў, чаму зрабіў гэта менавіта там і менавіта 8 мая.

«Цяпер гісторыя паўтараецца. Зноў распачатая вайна з мэтай узяць рэванш за прайграную, толькі ўжо не Першую сусветную, а Трэцюю сусветную «халодную» вайну. Зноў спрабуюць вярнуць страчаныя тэрыторыі, толькі не Данцыг і Эльзас, а Крым і ўсю Украіну, зноў «абароняць правы суайчыннікаў», толькі не ў Судэтах, а на Данбасе, зноў хочуць пабудаваць свой свет, толькі не «арыйскі», а «рускі», — піша Статкевіч у сваім тэлеграм-канале. — І спрабуюць выкарыстаць у сваёй вайне тых, хто змагаўся і загінуў, спрабуючы спыніць усё пералічанае.

Мёртвыя не вінаватыя, калі іх выкарыстоўваюць у палітычных гульнях і інфармацыйных войнах. Яны не могуць паўстаць з магіл, каб абараніць сябе. Як не можа паўстаць з магілы на Вайсковых могілках лётчык Акрэсцін, каб запярэчыць таму, што ягонае імя ў вачах усёй планеты звязалі з месцам, дзе людзей катавалі за іх перакананні».

Статкевіч таксама нагадаў, што ў канцы чэрвеня 2020 года, калі ён адбываў арышт у ізалятары на вуліцы імя Акрэсціна, яму завочна дадалі яшчэ 15 сутак. Прычынай назвалі «правядзенне несанкцыянаванага масавага мерапрыемства» — ускладанне кветак 8 мая таго ж года на Вайсковых могілках Мінска да магіл загінулых салдат.

«Думаю, што цяжка знайсці больш красамоўнае сведчанне сапраўднага стаўлення ўладаў да памяці шматмільённых ахвяр той вайны, развязанай таталітарнымі рэжымамі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com