СМІ: Дроны знішчылі частку галоўнага рынку Расіі, які належыць азербайджанскім мільярдэрам

З’явіліся фота са спадарожніка.

У выніку найбуйнейшай атакі украінскіх беспілотнікаў на Маскву 18 чэрвеня згарэла пятая частка рынку «Садовод», пра што сведчаць спадарожнікавыя здымкі Planet Lab, апублікаваныя «Радыё Свабода».

Мэр сталіцы Сяргей Сабянін сцвярджаў, што на аб’ект упалі «абломкі збітых дронаў», з-за чаго «адзін з будынкаў» атрымаў «незначныя пашкоджанні». У дзень атакі ўладальнікі гандлёвых кропак паведамлялі, што пажар знішчыў 500 павільёнаў: «Наогул тавару не засталося. Сёмы, восьмы, дзевяты, дзесяты, адзінацаты… шмат радоў згарэла». Рынак тушылі амаль суткі і закрылі на выходныя 20–21 чэрвеня пад выглядам правядзення «санітарных дзён і суботніка».

У прэс-службе «Садовода» заявілі Msk1, што шкоду пакуль не ацэньвалі, ці будуць выплачваць прадаўцам кампенсацыі — невядома. Рынак належыць азербайджанскім бізнесменам Году Нісанаву і Зараху Іліеву — саўладальнікам групы кампаній «Кіеўская плошча», аднаго з буйнейшых аператараў камерцыйнай нерухомасці ў РФ. Абодва ўваходзяць у топ расійскіх мільярдэраў: стан кожнага ацэньваецца ў $5,1 млрд. Гэта тыя ж прадпрымальнікі, якія раней былі саўладальнікамі Чаркізаўскага рынку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com