Украінскія дроны атакавалі практычна ўсе найбуйнейшыя НПЗ у Расіі

Якія прадпрыемствы яшчэ не апынуліся пад ударам?

Украіна атакавала восем з дзесяці найбуйнейшых нафтаперапрацоўчых заводаў Расіі. Некаторыя з іх траплялі пад абстрэлы не раз.

Пра гэта паведамляе «Медуза».

Паводле стану на канец чэрвеня 2026 года украінскія беспілотнікі паразілі большасць расійскіх НПЗ з топ-10 паводле аб'ёмаў перапрацоўкі. У прыватнасці, пад удары трапілі:

«Газпрам нафтахім Салаўат», Башкартастан (верасень 2025 года)

«Кірышынафцеаргсінтэз» («Кінеф»), Ленінградская вобласць

«Лукойл-Валгаграднафтаперапрацоўка», Валгаград

«Лукойл-Ніжагароднафцеаргсінтэз», Ніжагародская вобласць

«Лукойл-Пермнафцеаргсінтэз», Перм

Маскоўскі НПЗ, Масква

Разанскі НПЗ, Разань

«Яраслаўнафцеаргсінтэз» («Слаўнафта-ЯНОС»), Яраслаўль

У цэлым на еўрапейскай частцы Расіі ўжо не засталося ніводнага буйнага НПЗ, які хаця б раз не пацярпеў ад атак дронаў Сіл абароны.

Некаторыя з іх, напрыклад заводы ў Маскве і Яраслаўлі, з пачатку 2026 года атакоўвалі па некалькі разоў. З-за істотных разбурэнняў прадпрыемствы вымушаныя скарачаць або цалкам спыняць вытворчасць.

На сёння не закранутымі застаюцца толькі два заводы з першай дзясяткі, якія знаходзяцца далёка за Уралам. Гэта Ангарская нафтахімічная кампанія ў Іркуцкай вобласці і Амскі нафтаперапрацоўчы завод, найбуйнейшы ў Расіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com