Кіраўнік студыі ZROBIM Architects знаходзіцца ў СІЗА

У чым яго абвінавачваюць.

У офіс бюро ZROBIM architects сілавікі прыходзілі 9 і 10 красавіка. Каля 50 супрацоўнікаў былі затрыманыя, большасць потым адпусцілі.

Кампанію абвінавацілі ў тым, што з 2021 па 2025 год яна атрымала неўлічанага прыбытку на 6 мільёнаў долараў. Сумарную шкоду бюджэту краіны ацанілі ў больш як 5 мільёнаў рублёў. У сюжэце СТВ заявілі, што «не менш за 60% ад усіх заробкаў» супрацоўнікам бюро выплачвалі «у канвертах».

Сузаснавальнік студыі Андрэй Макоўскі быў затрыманы. Але праз 16 сутак пасля хапуну ў студыі ў сацсетках Андрэя з’явіліся пасты пра новыя праекты — меркавалася, што ён выйшаў на волю.

Аднак учора, 4 чэрвеня, у акаунце Андрэя ў Threads з’явіўся пост: «Прывітанне з СІЗА! Плаціце падаткі цалкам, хлопцы».

Пазней ягоная жонка ў сацсетках патлумачыла: акаунт часова вядзе яна, пакуль муж за кратамі. «У сваіх лістах ён дасылае мне паведамленні для Threads, якія хоча з вамі абмеркаваць».

Макоўскі цяпер пад следствам, але кампанія працягвае працаваць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com