Дамінік Гашэк раскрытыкаваў удзел расіян у Матчы зорак НХЛ

Легендарны чэшскі хакеіст лічыць, што расіяне не павінны гуляць з гульцамі іншых краін.

Чэмпіён Алімпійскіх гульняў 1998 года ў складзе зборнай Чэхіі Дамінік Гашэк раскрытыкаваў удзел расійскіх гульцоў у Матчы зорак Нацыянальнай хакейнай лігі (НХЛ), перадае яго словы iSport.

«Абавязак усіх хакейных асацыяцый, гульцы якіх маглі б увайсці ў склад зборнай свету, — як мага хутчэй асудзіць далейшыя спробы НХЛ узмацніць рэкламу расійскіх дзеянняў. Неабходна пачаць абараняць гульцоў сваёй краіны, якія ўжо знаходзяцца пад ціскам з боку сваіх працадаўцаў і ўсёй НХЛ. Мы павінны дапамагчы гэтым хлопцам неадкладна, а не заўтра. Мы не павінны дазволіць НХЛ ператварыць іх у карысных ідыётаў», — сказаў Гашэк.

Паводле яго слоў, калі чэшскі хакеіст трапіць у каманду з расіянінам, дык усё жыццё будзе думаць, што ўдзельнічаў у «рэкламе» вайны.

НХЛ абвясціла, што Матч зорак у 2027 годзе пройдзе ў новым фармаце. Замест традыцыйнай гульні «дывізіён на дывізіён» або драфту капітанаў адбудзецца «міні-чэмпіянат свету» па кругавой сістэме ў фармаце «тры на тры»: Канада, Фінляндыя, Швецыя, ЗША і «астатні свет». Журналіст Зак Хайман у сацсетцы X паведаміў, што намеснік камісара лігі Біл Дэйлі ўжо пацвердзіў удзел расійскіх хакеістаў у складзе зборнай «свету».

Гашэк, які сам гуляў у НХЛ і КХЛ, рэгулярна выступае супраць удзелу расіян у міжнародных спаборніцтвах.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com