Пуцін распавёў, як расійскі бізнесмен у маі сустрэўся з Зяленскім у ягонай рэзідэнцыі

Дыктатар РФ адмовіўся назваць ягонае імя.

Адзін з прадстаўнікоў дзелавых колаў з РФ у маі наведаў Кіеў, дзе сустракаўся з прэзідэнтам Украіны Уладзімірам Зяленскім. Пра гэта заявіў дыктатар РФ Уладзімір Пуцін падчас зносін з прэсай у межах Пецярбургскага міжнароднага эканамічнага форуму 5 чэрвеня.

«Тры тыдні таму адзін з прадстаўнікоў нашых дзелавых колаў паведаміў: «Мяне запрашаюць у Кіеў, я хацеў паведаміць». Я яму кажу: «Я не магу вас накіроўваць ні ў якой якасці, гэтым павінны займацца адпаведныя ведамствы», – распавёў Пуцін.

Ён не раскрыў імя бізнесмена, аднак, паводле яго слоў, той паведаміў, што сустрэча адбылася ў рэзідэнцыі Зяленскага. Пазней ён вярнуўся ў Маскву і паведаміў пра вынікі візіту.

«Я з ім сустрэўся. Акрамя шалупіння, самае галоўнае: Зяленскі прасіў аб сустрэчы. Я ніколі не адмаўляўся. Але пераліваць з пустога ў парожняе — я ведаю, як гэта бывае. Як з Мінскімі пагадненнямі, якія былі патрэбныя, каб выйграць час, каб пераўзброіць Украіну», – сказаў Пуцін.

Такім чынам Пуцін адказаў на пытанне пра адкрыты ліст, які Зяленскі адрасаваў Пуціну 4 чэрвеня. У ім кіраўнік украінскай дзяржавы прапануе завяршыць вайну і правесці асабістую сустрэчу лідараў на нейтральнай тэрыторыі з міжнароднымі гарантыямі бяспекі і прыцягненнем пасярэднікаў.

Аднак Пуцін заявіў, што «пакуль не бачыць сэнсу» у гэтым.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com