Названы просты спосаб павысіць прадукцыйнасць

Асабліва для тых, хто працуе аддалена.

Тым, хто працуе аддалена, для змяншэння стрэсу і росту прадукцыйнасці важны не тып нагрузкі, а сумарны аб’ём руху — то бок колькасць крокаў за дзень. Да такой высновы прыйшлі навукоўцы Універсітэта Цукубы. Даследаванне апублікавана ў часопісе American Journal of Health Promotion (AJHP).

У даследаванні ўдзельнічалі 100 японскіх супрацоўнікаў, якія працавалі аддалена не менш як адзін дзень на тыдзень. Навукоўцы ацэньвалі сутачную фізічную актыўнасць, сядзячыя паводзіны, узровень стрэсавых рэакцый і працоўную прадукцыйнасць.

Высветлілася: высокая сутачная колькасць крокаў істотна звязаная з ніжэйшым узроўнем стрэсу, а нізкі стрэс — з большай прадукцыйнасцю. Медыяцыйны аналіз паказаў, што колькасць крокаў уплывае на прадукцыйнасць менавіта праз змяншэнне стрэсу.

Пры гэтым ні лёгкая фізічная актыўнасць, ні трэніроўкі ўмеранай і высокай інтэнсіўнасці, ні ўзровень сядзячых паводзінаў як такіх не паказалі аналагічнага эфекту. Для аддаленых работнікаў ключавым з’яўляецца менавіта штодзённы сумарны аб’ём руху — хада, — а не інтэнсіўнасць нагрузак.

Аўтары тлумачаць гэта проста: дыстанцыйны фармат пазбавіў людзей выпадковай хады — дарогі да офіса, перамяшчэнняў паміж кабінетамі, абедзенных прагулкаў. Менавіта гэтае скарачэнне, а не характар нагрузак, можа тлумачыць рост стрэсу і падзенне прадукцыйнасці ў аддаленых супрацоўнікаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com