У Варшаве пройдзе пяты юбілейны фестываль беларускай музыкі Graj

Арганізатары назвалі хэдлайнераў.

5 верасня ў варшаўскім клубе Niebo пройдзе юбілейны, ужо пяты фестываль беларускай музыкі Graj. Пра гэта сайту Charter97.org паведамілі арганізатары мерапрыемства.

За пяць гадоў фестываль стаў адной з ключавых культурных падзей для беларускай супольнасці ў Польшчы і па-за яе межамі. Штогод ён збірае вядомых музыкаў і сотні прыхільнікаў жывой музыкі, ствараючы прастору для сустрэч, творчасці і натхнення.

Сёлета на сцэне Graj выступяць:

Volski;

J:Морс;

Dzieciuki;

«Дай Дарогу!»;

«Разбітае Сэрца Пацана».

Арганізатары абяцаюць яскравы, шчыры і максімальна беларускі вечар.

Акрамя музычнай праграмы, на фестывалі будзе працаваць арт-маркет, дзе госці змогуць набыць унікальныя вырабы беларускіх майстроў.

Таксама адбудзецца дабрачынны аўкцыён. Яго ўдзельнікі змогуць падтрымаць беларускіх аўтараў і творчыя ініцыятывы.

Фестываль адбудзецца 5 верасня 2026 года ў клубе Niebo па адрасе: Nowy Świat 21c, Варшава. Пачатак — а 17:00.

Graj 2026 стане месцам, дзе можна сустрэцца з сябрамі, пачуць любімых выканаўцаў і правесці вечар на адной з галоўных беларускіх музычных падзей года.

Квіткі можна набыць па спасылцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com