Былая віцэ-прэзідэнтка Ліберыі арыштаваная за наркатаргоўлю

Джуэл Хаўард-Тэйлар займала пасаду віцэ-прэзідэнткі з 2018 па 2024 год.

Джуэл Хаўард-Тэйлар, якая займала пасаду віцэ-прэзідэнткі Ліберыі з 2018 па 2024 год, арыштаваная ў межах міжнароднага расследавання незаконнага абароту наркотыкаў. Пра гэта паведамляе The Times са спасылкай на прадстаўнікоў ліберыйскіх уладаў.

Паводле іх заявы, спадарыня Хаўард-Тэйлар была арыштаваная 19 жніўня па дарозе ў міжнародны аэрапорт сталіцы краіны Манровіі. Ноч яна правяла ў аддзяленні паліцыі. Зараз ёй ужо прад'яўленыя абвінавачанні ў наркатаргоўлі.

Газета нагадвае, што ў ліпені гэтага года ліберыйскія ўлады абвясцілі пра захоп прызначаных для адпраўкі ў Еўропу 4 тоні какаіну на суму $317 млн. На думку экспертаў, сам факт наяўнасці такой колькасці наркотыкаў у краіне сведчыць пра ўзрастаючую ролю Ліберыі ў сусветнай наркатаргоўлі.

Улады краіны ўжо заявілі, што да арыштаванай не будзе асаблівага стаўлення. «Не будзе выбарачнага правасуддзя, не будзе ніякай палітычнай пратэкцыі, не будзе ні "свяшчэнных кароў", ні кампрамісаў у барацьбе з арганізаванай злачыннасцю», — цытуе газета ўрадавую заяву.

Хаўард-Тэйлар — былая жонка Чарльза Тэйлара, аднаго з буйных палявых камандзіраў краіны ў перыяд грамадзянскай вайны (1989–1996), які займаў пасаду прэзідэнта краіны з 1997 па 2003 год. Цяпер ён адбывае 50-гадовы тэрмін зняволення ў адной з брытанскіх турмаў за ваенныя злачынствы. Спадарыня Хаўард-Тэйлар неаднаразова заяўляла, што нічога не ведала пра злачынствы мужа.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com