Беларуска аднесла ў лес $10 тысяч і пакінула іх у дупле

Новая махлярская схема.

Пенсіянерка з Скідзеля страціла свае зберажэнні, пакінуўшы іх у лесе. Праз дупло на «легалізацыю» яна перадала $8,4 тыс. і €1000. У беларускім эквіваленце сума склала 27,6 тыс. рублёў.

Пра новы спосаб махлярства расказала газета «Гродзенская праўда».

Пажылая жанчына стала ахвярай міжнароднай злачыннай групы. Злачынцы звязваліся з ёй праз Viber і Telegram і пераканалі, што яе зберажэнні знаходзяцца пад пагрозай. Паводле іх версіі, грошы трэба было тэрмінова «праверыць» і «легалізаваць».

Махляры аказвалі на пенсіянерку такі моцны псіхалагічны ціск, што яна забрала з дому ўсе зберажэнні і накіравалася ў лес. Злачынцы загадзя пазначылі ёй прыкметнае дрэва, дзе трэба было пакінуць грошы.

Жанчына паклала пакет са зберажэннямі ў дупло і пакінула лес. Пасля гэтага грошы забраў кур’ер, які дзейнічаў у складзе злачыннай групы.

Следчыя ўстанавілі, што арганізатары схемы знаходзіліся па-за межамі Беларусі. Па факце махлярства ўзбуджана крымінальная справа па ч. 3 арт. 209 КК Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com