Нямецкая дыпламатка ў мінскім парку імя Янкі Купалы прачытала верш беларускага класіка

А яе муж адказаў вершам Гайнэ.

Часовая павераная ў справах Германіі ў Беларусі Катрын аус дэм Зіппен разам з мужам запісала кранальны відэазварот да беларусаў з нагоды апошняга месяца лета.

Падчас прагулкі па мінскім парку імя Янкі Купалы каля помніка беларускаму песняру яны прадыкламавалі вершы на дзвюх мовах.

Катрын аус дэм Зіппен прачытала па-беларуску радкі з верша Янкі Купалы «Лета ты, лета прыгожа-квяцістае, колькі ты ўносіш аздобы з сабой!». Са свайго боку, яе муж прадыкламаваў па-нямецку лірычны твор Генрыха Гайнэ пра прыгажосць свету.

Як адзначаецца ў публікацыі пасольства Германіі, гэта стала паэтычным мастом паміж народамі і нагадала пра агульначалавечыя каштоўнасці і натхненне, якое творцы розных краін знаходзілі ў роднай прыродзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com