«Партрэт Дорыяна Грэя» выйшаў на беларускай мове
- 7.08.2026, 15:46
Пераклад рамана Оскара Уайльда зроблены паводле бесцэнзурнай версіі.
У выдавецтве Skaryna Press выйшаў з друку класічны, шырока цытаваны раман Оскара Уайльда «Партрэт Дорыяна Грэя». Пераклад зроблены паводле бесцэнзурнай версіі, якая на англійскай мове была апублікаваная толькі ў 2011 годзе. На беларускую пераклаў Вільз О’Фляэрці, піша bellit.info.
«Чым бы вы ахвяравалі дзеля вечнай маладосці і прыгажосці? Для Дорыяна Грэя, асляпляльна прывабнага юнака ў віктарыянскім Лондане, адказ быў просты — усім. Калі бліскуча разумны лорд Генры Уоттан напаўняе ўразлівы розум Дорыяна зваблівай філасофіяй, ён выказвае лёсавызначальнае жаданне, таямніцу якога захавае партрэт», — гаворыцца ў анатацыі да кнігі на сайце выдавецтва.
Упершыню апублікаваны ў 1890 годзе твор выклікаў скандал: у кожным радку прыстойнае грамадства пазнавала сябе. Адзіны раман Оскара Уайльда застаецца адной з самых яркіх жамчужын англамоўнай літаратуры. Готыка, сацыяльная сатыра і філасофская прыпавесць майстэрска зліліся ў адно цэлае. З хірургічнай дакладнасцю і заразлівай вясёласцю Оскар Уайльд выкрывае крывадушша і пытаецца ў чытача: дзеля чаго ты жывеш?
Пад зыркай паверхняй тэксту цячэ далікатная квір-плынь: захапленне мастака Бэзіла Холлуорда Дорыянам, напоўненая недамоўленасцю блізкасць паміж персанажамі і таямнічае жыццё галоўнага героя агучваюць невымоўныя ў пурытанскім грамадстве жаданні. Раман быў выкарыстаны ў судзе як доказ злачыннай распуснасці аўтара. Для яго ж твор стаў зашыфраваным аўтапартрэтам мастака, які разумее цану прыгожага і небяспеку таемнага.
Замовіць навінку можна праз сайт выдавецтва Skaryna Press.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
