Чарнагорскі футбаліст БАТЭ: Мінск адрозніваецца ад балканскіх гарадоў

Лука Джорджэвіч распавёў, як абжываецца ў Беларусі.

Чарнагорскі форвард БАТЭ Лука Джорджэвіч таксама распавёў пра свае кулінарныя прыхільнасці.

— Табе падабаецца ў Мінску?

— Вельмі. Ён адрозніваецца ад балканскіх гарадоў, але нейкае падабенства, напэўна, можна знайсці з Бялградам. Хаця розніца ўсё ж адчуваецца. Мне спадабаўся цэнтр горада. «Маяк Мінска» — месца, у якім я жыву, — таксама вельмі зручнае. Мне падабаецца, што тут шырокія вуліцы, шмат кафэ, дзе можна адпачыць, шмат сем'яў, людзі гуляюць з дзецьмі. Ну, а побач з Нацыянальнай бібліятэкай ёсць невялікі парк. Я там бываю ледзь не кожныя два-тры дні: гуляю і магу проста паседзець на лаўцы, як пенсіянер. Мая жонка Ёвана (у нас двое сыноў: Матея і Аляксей) правяла ў Мінску тыдзень, і ёй горад таксама спадабаўся. Але яна вымушана была з'ехаць у Падгорыцу: пачынаецца навучальны год.

— Якія нашы прадукты ты ўжо паспеў ацаніць?

— Мне вельмі падабаецца хлеб. Яшчэ я спрабаваў дранікі, але ў тым месцы, дзе быў, яны мне не спадабаліся. А так можна казаць? Мяне не прыб'юць?

— Цябе захочуць імі накарміць!

— А, ну тады дамо ім яшчэ адзін шанец!

— Чаго табе не хапае з балканскай кухні?

— Я ведаю, што ў вас папулярная фасоля. І вось такіх страў з фасоляй у нас вельмі шмат. Ці, напрыклад, сарма [балканскія галубцы]. Ну, а ў астатнім усё ёсць у вашых крамах.

— Цэны ўжо параўнаў з чарнагорскімі?

— Так, у некаторых месцах яны супастаўныя, але ў Чарнагорыі нядаўна адбыўся рэзкі рост цэн, таму ў нас яны ўсё ж будуць вышэй, — сказаў Джорджэвіч у інтэрв'ю «Онлайнеру».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com