Пад Гроднам грыбнік натрапіў на паляну з незвычайнымі дрэвамі

Фотафакт.

Жыхар Гродна падчас паходу па грыбы выявіў у лесе чатыры 152-міліметровыя артылерыйскія снарады часоў Другой сусветнай вайны. Боепрыпасы знаходзіліся проста ў ствалах дрэў, паведамілі ў УУС Гродзенскага аблвыканкама.

Незвычайную знаходку мужчына зрабіў у лесе недалёка ад Агародніннай фабрыкі пад Гроднам. Правяраючы чарговую паляну, ён звярнуў увагу на дзіўныя ствалы дрэў — проста ў іх знаходзіліся чатыры 152-міліметровыя снарады часоў вайны

«Найбольш верагодны сцэнар быў такі: падчас баявых дзеянняў боепрыпасы былі складзеныя на зямлі і злёгку прысыпаныя зямлёй. Потым пра іх забыліся, а праз дзесяцігоддзі тут з’явіўся лес, і снарады былі паднятыя растучымі дрэвамі», — пракаментавалі ў міліцыі.

Сапёры вывезлі і знішчылі снарады, а неабыякавага беларуса, які паведаміў пра знаходкі і паказаў іх дакладнае месцазнаходжанне, падзякавалі.

У УУС адзначылі, што падобны выпадак у Гродне ўжо здараўся каля шасці гадоў таму: падчас рэканструкцыі казармаў на вуліцы Пралетарскай боепрыпас выявілі ў ствале таполі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com